عدد المساهمات : 108 تاريخ التسجيل : 29/04/2014 العمر : 35
موضوع: فيلم الفيل الازرق مأخوذا عن روايه احمد مراد الأربعاء مايو 07, 2014 4:45 pm
لو ماقريتش روايه الفيل الأزرق أنصحك تقرأها وبعدها هتدعيلى لانك وانت بتقرأها بتحس إنك بتجري جري فيها .. نفسك تفهم إيه اللي بيحصل .. رواية بتستفزك إنك تكملها الأحداث كتيرة جدا و سريعة .. لسه بتحاول تستوعب اللي بيحصل تلاقيه راح خبطك بمفاجأة تاني و حدث تاني جديد أغرب من اللي قبله قدر أحمد مراد يدخل جوه يحيي بطل الرواية جدا و كشف عيوب شخصية و مشاكل كتييييير جدا جايز تكون موجودة جوه حد مننا و بنتعامل معاها كأنها شئ عادي و طبيعي اتعودنا عليه زي ما كان يحيي بيتعامل مع مشاكله من غير ما ندرك تأثير المشاكل دي علينا .. مش هاتقدر تتوقع الأحداث .. مش هاتقدر تتوقع اللي هاتلاقيه لما تقلب الصفحة .. مش هاتقدر تفسر حاجة .. مش هاتقدر تتوقع النهاية .. كل حاجة مفاجأة ليك .. قمة الإثارة و التشويق و المتعة بعد ما خلصتها قفلت الكتاب و قعدت فترة مبتسم و مستغرب بأحاول استوعب اللي حصل
بالنسبة لأحمد مراد : الرواية موضوعها مختلف تماما عن الاتنين اللي فاتوا فالأحسن إنك ما تقارنش بينهم .. بس الملحوظ و الأكيد هو إن أحمد مراد بيتطور تطور رهيب و أسلوبه بيتطور بطريقة سريعة .. تخلي تماما عن اي تطويل او رغي في القصة .. ما فيش اي ملل فيها يمكن باستثناء جزء بسيط في الآخر .. قدر يجذبك و يشدك باسلوبه من اول 20 صفحة لحد الآخر و انت متشوق و مشدود .. مازال أحمد مراد محتفظ بطريقته الإبداعية في الوصف و طريق. الكتابة اللي تحسها قريبة لأفلام السينما مش للكتب من اكتر الحاجات اللي عجبتني في الرواية هي التحليلات و التفسيرات النفسية و المصطلحات الطبية ، واضح جدا المجهود اللي بذله أحمد مراد في دراسة الكلام ده و الأمراض النفسية دي علشان يقدر يكتب بالطريقة دي و يقدر يوصلك لمرحلة إنك مش ممكن تصدق إن أحمد مراد ده مش دكتور نفسي
أما قمه المفاجأه وهى ان الروايه هتتعمل فيلم وأتوقع له النجاح قبل عرضه لانى انا وصديقي الأنتيخ (احمد عادل) فكرنا فى إنها تتعمل فيلم لا ورشحنا ممثلين ليها كمان وهو كان من رأيهه ان كريم عبدالعزيز هيبقي احسن بطل ليها وغلبنى هو فى التوقع ده لكن انتظروا فيلم هيغير فكركم عن السينما والافلام الهابطه اللى بنسمع عنها
في جوٍ درامي يكشف الفيلم عالمًا غريبًا رغم دراية المجتمع به،هو عالم الأمراض النفسية ،حيث يرصد الفيلم حياة طبيبٍ نفسي يُدعى يحيى (كريم عبدالعزيز). يحيى طبيبٌ من نوعٍ خاصٍ مر بعدة مشاكل في حياته المهنية والشخصية، فبعد فصل يحيى من العمل لمدة 5 سنوات يعود من جديد للعمل بمستشفي العباسية. يقرر يحيى العودة للعمل بجعبة جديدة والبدء من جديد ،لكن حين يُطلب منه كتابة تقريرٍ عن مريضٍ نفسي ،ينصدم عندما يعلم أن هذا المريض هو صديقه القديم دكتور شريف الكردي (خالد الصاوي). تتعقد الأحداث لتكشف لنا عن أسرارٍ مثيرة تتعلق بأبطال العمل لتُزيح الستار عن جبلٍ من الغموض.
يعتقد الكاتب أحمد مراد أن عرض الفيلم الجديد "الفيل الأزرق" سيعقبه تغيير في طبيعة السينما المصرية.
وقال مراد إن الفيلم يختلف تماما عما اعتاد الجمهور المصري، وإن الفيلم سيغير الكثير من معالم السينما المصرية خلال الفترة المقبلة، بحسب ما ذكرته بوابة "الشروق" الإلكترونية.
"الفيل الأزرق" سيعرض في موسم عيد الفطر المقبل، بعد سلسلة من التأجيلات.
فيلم "الفيل الأزرق" من إنتاج شركة Lighthouse المملوكة لكلا من فادي فهيم ومروان حامد، وهو مأخوذ عن رواية أحمد مراد، ومن إخراج مروان حامد، ويشارك في بطولته خالد الصاوي، ولبلبة.
ويعود كريم عبد العزيز إلى شاشة السينما بفيلم "الفيل الأزرق" بعد غياب 4 سنوات، منذ أن قدم آخر أفلامه "فاصل ونعود" (2011)، والذي لم يحقق الإيرادات المتوقعة بسبب عرضه عقب اندلاع ثورة 25 يناير، وفرض حظر التجوال خلال تلك الفترة. "الفيل الأزرق" يشارك في بطولته خالد الصاوي، ونيللي كريم، ولبلبة، ودارين حداد، وشيرين رضا، ومن إخراج مروان حامد، وتدور أحداث الفيلم حول جريمة قتل يحاول "يحيى" تبرئة صديقه "شريف" منها.
